Shokoladli salyami
| Shokoladli salyami – yangi yil dasturxonini bezaydigan ajoyib pishiriq bo’lib, shirinlikni yoqtiradigan, lekin pishir- kuydirga toqati yo’q bekajonlar uchun ayni muddao. Bu retsept hech kimdan yuksak mahoratni talab qilmaydi. Choy yoki qahva bilan juda yaxshi iste’mol qilinadi. Masalliqlar: 400 gramm pechenye 100 gramm qora shokolad 150 gramm sariyog' 3 osh qoshiq kakao kukuni 1 banka quyultirilgan sut 150-200 gramm yong'oq ustiga sepish uchun shakar upasi Boshlaymiz. Qadam 1 Sirli idishda shokolad bilan sariyog' eritiladi. Qadam 2 Keyin shakar, kakao va quyultirilgan sut qo'shiladi. Hammasi qaynash darajasiga yetkaziladi. Qaynash jarayoni boshlanganda darhol gaz plitasi ustidan olinadi. Qadam 3 Alohida idishga pechenyelar uncha katta bo'lmagan bo'laklarga bo'linadi va yong'oq qo'shiladi. Qadam 4 Qaynoq shokoladli massaga pechenyelar solinadi va aralashtiriladi. Aralashtirish jarayonida massamiz quyuqlashadi va silliqroq holatga keladi. Qadam 5 Stol ustiga oziq-ovqat pelyonkasi to'shaladi va ustiga hosil bo'lgan massa solinadi. Pelyonkaga o'rab, kerakli shakl beriladi va 3-4 soatga muzlatgichga olib qo'yiladi. Qadam 6 3-4 soatdan keyin ustidagi pelyonka olinadi va shakar upasiga botirib olinadi. Yoqimli ishtaha! | |
|
| |
| Просмотров: 77 | |
