Quruq mevalardan pirog
| Bugun sizlarga ko’p marotaba tayyorlab ko’rgan quruq mevalar bilan pishiriladigan pirog retseptini taqdim etamiz. Bunday pirog har qanday dasturxonga ko’rk bag’ishlashi aniq. Masalliqlar: XAMIRIGA: 250 millilitr sut 8 gramm quruq xamirturush 1 osh qoshiq shakar 75 gramm sariyog' 0.5 choy qoshiq tuz 1 dona tuxum ASOSIGA: 200 gramm olma 100 gramm turshak 100 gramm quritilgan olxo'ri 100 gramm mayiz 50 gramm sariyog' yarimta apelsin 50 gramm shakar 0.5 choy qoshiq dolchin 50 millilitr qizil vino ustiga surtish uchun tuxum sarig'i+sut Boshlaymiz. 1 Qadam Iliq sutga xamirturush, shakar va unning 200 grammini solamiz. Aralashtirib, ustini oziq-ovqat pelyonkasi bilan yopib, 25 daqiqa iliq joyda qoldiramiz 2 Qadam Bu vaqt mobaynida u ikki hissaga ko'tarilishi kerak 3 Qadam Xamirturushli aralashma tayyor bo'lgandan so'ng, ustidan yumshoq sariyog' va tuxumni solib, mikser yordamida ko'pirtirib olamiz 4 Qadam So'ng qolgan xamirni solib, xamir qorib olamiz 5 Qadam Xamirni 7-10 daqiqa mushtlaymiz 6 Qadam Xamirni kattaroq tog'orachaga olib, ustini oziq-ovqat pelyonkasi bilan yopib, iliq joyga 1.5-2 soatga olib qo'yamiz 7 Qadam. Xamir ko'tarilgunicha asosini tayyorlaymiz: Quruq mevalar ustidan qaynoq suv quyib, 10-15 daqiqaga qoldiramiz 8 Qadam So'ng suvini to'kib tashlab, sochiq ustidan terib, biroz quritib olamiz 9 Qadam Turshak va quritilgan olxo'rini mayiz kattaligida to'g'rab olamiz 10 Qadam Olmalarni archib, 3-4 mm kattalikda to'g'rab olamiz 11 Qadam Tovaga sariyog'ni eritib olamiz. Quruq mevalarva olmalarni ham solamiz. Apelsin po'stini qirg'ichdan chiqarib solamiz, sharbatini ham siqib solamiz. Aralashtiramiz va shakar sepamiz 12 Qadam Olma yumshaguniga qadar qovuramiz. So'ng vinoni quyib, u butkul bug'lanib ketguniga qadar qizdiramiz 13 Qadam Vino qo'shmasa ham bo'ladi, ammo qo'shilganda ta'mi yanada mazaliroq chiqadi 14 Qadam Gazni o'chirib, aralashmani sovutib olamiz 15 Qadam Xamirni teng ikkiga bo'lamiz. Birinchisini 3 mm qalinlikda yoyib, pergament qog'oz ustiga to'shaymiz 16 Qadam Chetlaridan 1.5 sm dan joy qoldirib, asosini solamiz. 17 Qadam Chetki bo'sh xamirlarni tepaga qaratib buklab chiqamiz 18 Qadam Qolgan xamirni yana teng ikkiga bo'lamiz. Bittasi sal kattaroq bo'lsin. Uni yoyib, pirog ustini yopamiz. 19 Qadam Chetlarini yaxshilab yopishtirib chiqamiz. 20 Qadam Pirogni pergamnet qog'ozga teskarisiga ag'darib olamiz. Qolgan xamir bo'lagi bilan esa pirogni bezatamiz 21 Qadam Pirogni xona haroratida 30 daqiqa qoldiramiz. So'ng ustidan tuxum sarig'i surtib, 175 C darajada qizigan pechda 35-40 daqiqa davomida pishirib olamiz. Yoqimli ishtaha! 
| |
|
| |
| Просмотров: 134 | |