[color=gray]Bunday bulochkalarning ta’mi uning klassik variantidan deyarli farq qilmay, balki yanada mazaliroq chiqishini ta’minlaydi.
Masalliqlar:

400 millilitr iliq sut
150 gramm shakar

15 gramm quruq xamirturush
140 gramm sariyog'

2 ta tuxum
bir chimdim tuz

700-800 gramm un
ASOSIGA:

120 gramm tvorogli pishloq
50 gramm sariyog'

50 gramm shakar
400-500 gramm malina

20 gramm makkajo'xori kraxmali
GLAZURIGA:

200 millilitr qaymoq
6-7 osh qoshiq shakar upasi

Boshlaymiz. Qadam 1

Oshirma xamir tayyorlab olamiz:

Iliq sutga quruq xamirturush, shakar, yumshoq sariyog' va tuxumlarni solamiz. Silliq holatga kirgunicha ko'pirtirib olamiz
Qadam 2

Bir chimdim tuz va unni solib, yumshoq xamir qorib olamiz
Qadam 3

Eslatma: unning sifatiga qarab, u ko'proq yoki kamroq sarflanishi mumkin
Qadam 4

Xamirning ustini sochiq bilan yopamiz va 40-50 daqiqa iliq joyga olib qo'yamiz. Xamir ikki hissaga oshganidan so'nggina keyingi bosqichga o'tamiz
Qadam 5

Asosini tayyorlab olamiz:

Tvorog, yumshoq sariyog' va shakarni alohida idishga solib, ko'pirtirib olamiz
Qadam 6

Oshgan xamirni olib, 5-6 mm qalinlikda, to'rtburchak shaklda yoyib olamiz
Qadam 7

Malina va kraxmalni aralashtirib olamiz. Yoygan xamir ustidan tvorogli pishloq aralashmasini surtib, malinani sepib chiqamiz
Qadam 8

Xamirni ruletsimon shaklda o'raymiz
Qadam 9

5 sm qalinlikdagi bo'laklar kesib chiqamiz
Qadam 10

Bulochkalarni kattaroq qolipga terib chiqamiz. Ularning pishish jarayonida shishishi uchun orasiga oz-ozdan joy qoldirsak maqsadga muvofiq bo'ladi
Qadam 11

Qolipdagi bulochkalarni ustini sochiq bilan yopib, 15-20 daqiqaga qoldiramiz
Qadam 12

Yana ko'tarilgan bulochkalarni 190 C darajada qizdirilgan gaz pechiga qo'yib, 25 daqiqa davomida pishirib olamiz
Qadam 13

Glazurini tayyorlab olamiz:

Shakar upasi va qaymoqni aralashtirib olamiz
Qadam 14

Pishgan bulochkalarni gaz pechidan olamiz va ustiga glazurdan quyamiz. Biroz sovutib, so'ng esa iste'mol qilamiz. Yoqimli ishtaha!