Karamelli olmali pirog
| Tayyorlash juda oson, ammo ta’mi umuman o’zgacha bo’lgan olmali pirog retsepti bilan tanishib oling! Karamelli quyma bu pirogga takrorlanmas ta’m bag’ishlaydi. Masalliqlar: XAMIRIGA: 300 gramm un 150 gramm muzdek sariyog' 50 gramm shakar upasi 1 dona tuxum 3 osh qoshiq muzdek suv bir chimdim tuz KARAMELLI QUYMASIGA: 140 gramm shakar 250 gramm smetana 100 millilitr sut 1 dona tuxum 1 dona tuxum sarig'i 50 gramm un Boshlaymiz. Qadam 1 Xamiriga: Tog'orachaga un, shakar upasi va tuzni solamiz. Alohida idishga esa suv va tuxumni solib, aralashtirib yuboramiz. Qadam 2 Sariyog'ni qirg'ichdan chiqarib, un ustidan solamiz va qo'lda yaxshilab ishqalab olamiz. Tuxumli aralashmani ustidan quyib, xamir qorib olamiz. Qadam 3 Xamirni yelim xaltaga solib, 1 soatga sovutgichga olib qo'yamiz. Qadam 4 Karamelli quymasi uchun: Shakarni ikki qismga bo'lamiz. Bir qismini qozonchaga sepamiz va gazga qo'yib, qahrabosimon rangga kirgunicha eritamiz. So'ng qolgan qismini ham solib, eritib olamiz. Qadam 5 Alohida idishga sutni quyib, qaynatib olamiz. Qadam 6 Qaynagan sutni oz-ozdan karamel ustidan quyib, yaxshilab aralashtirib olamiz. Suyuqlikni sovutib olamiz. Qadam 7 Alohida idishga un, tuxum, tuxum sarig'i va smetanani solib, aralashtirib olamiz. Sutli aralashma ustidan solib, venchikda silliq holatga kirgunicha aralashtirib olamiz. Qadam 8 Qolipga sariyog' surtamiz. Xamirni ikkita pergament qog'oz o'rtasida yoyib olamiz va qolipga olamiz. Qadam 9 Olmalarni po'sti va danakchalaridan ajratib olamiz. Parrak qilib to'g'rab, xamir ustidan terib chiqamiz. Qadam 10 Ustidan aralashmamizni quyamiz. Bunda quyma butubn olmalarni ustidan quyilishi shart. Qadam 11 180 C darajada qizigan pechda 40-45 daqiqa davomida pishirib olamiz. Qadam 12 Qolipida sovutib olamiz, so'ng esa kesib, dasturxonga tortamiz. Yoqimli ishtaha! 
| |
|
| |
| Просмотров: 178 | |